Kan er Vretoned – Avèl hon Tadeù

(Diskan) Avèl hon Tadeù, ni ‘vo tud a fé ; 
Doué e vo berped hor mestr hag hor Roué. (bis)

1. Doué e vo berped mestr ar bep tiegeh ;
Tiér Arvoriz ‘vo é rouanteleh.

2 – Én hon tiegeheù sellet ‘vo ‘èl roué
Get en tad, er vamm, hag er vugalé.

3 – Doué e vo ataw mestr ar bep krouédur
Daousto d’en iwern ha d’é fall imur.

4 – Badéet e vo get en deur santél
Ha kousket e ray glan én é gavell.

5 – Doué e vo er mestr ar hor bugalé
Ma chomo enné dalhmat béw ér fé.

9 – Doué e vo er Mestr ar er priedeù :
Hepzoñ o buhé nen dé ‘meit poénieù.

10 – Mar sentant dalhmad doh gourhemenn Doué,
É kaveint getoñ peah ha lewéné.

11 – Doué e vo er mestr ar holl hon tud klañv :
Eañ e ray dehé er hoñfort gwellañ.

12 – Pet gwéh é wélér, idan é hrèseù,
Er joé é vleuein é-kreiz er poénieù !

13 – Doué e vo er mestr ar douar er véred,
Mestr ar relégeù holl hon tud karet.

14 – Kroéz Jézuz sawet a-dreist o béieù
E zistan er boén ag hor haloneù.

15 – D’en holl get doustér, kroéz Jézuz e lar :
“Sellet, doh en néañw, ha séhet ho tar.”

16 – Daousto d’en dud fall, Doué e vo hor Roué,
Hor Roué ar en douar ha goudé én né.

17 – Dirak hâni kén ne bleg’emp hor penn,
Nameit diraktoñ, dirak é lézenn.

18 – Doué e vo berped mestr é Breizh-Izél ;
Ya, kentoh merwel ‘eit en dilézel !