Magnificat / Mélein a hra m’inéan

D/ Magníficat, magníficat ánima mea Dóminum.

1 – Mélein e ra m’énéan brasted en Aotrou Doué, d’en Aotrou Doué hepkén é laran trugéré.

2 – Get men Doué, me Salvér, get nerh é garanté, ne bad mui me halon, sailh e ra get er joé.

3 – A lein en néañw é sell izélded é vatéh ; rak-sen é vein galvet eurus ér bed a-béh.

4 – Traoù kær en deus groæt dein en Hani ‘zo ihuél ; re vo mélet de virwikén é anw santél.

5 – É vadeleh hep par é-kevér er ré vad, o héli hep skuéhein a rummad de rummad.

6 – É-kevér er ré fall é gounnar ‘zo spontus ; én un taol é tismantr o soñjeù randonus.

7 – Get ur gér é tiskar er rouané ihuélañ ; ar en tron é saw tud ag er stad izélañ.

8 – Rein e ra d’er hæh paour madeù get larganté, hag é laosk er pinvig de gouéh ér baouranté.

9 – Doh Israel é bobl en deus añfin trué ; ag é vadeleheù en deus soñj a-newé.

10 – Soñj en deus ag en traoù en doé gratæt ‘eit mad, d’hon tud a rumm de rumm ha d’Abraham hon tad.

11 – Gloér d’en Tad ha d’er Mab ha d’er Spered Santél, de Zoué é tri personn re vo gloér éternél.