O Mamm a garanté

D/ O Mamm a garanté, pédet ‘eidomp, pédet !
Ni ‘zo ho pugalé ha hwi, hor Mamm karet.

1 – Pédet, pobleù kristén, er Werhiéz benniget
Rak berped hé fédenn get Doué ‘zo chelaouet.

2 – Hi ‘zo avokadéz pep unan dirak Doué ;
Hi ‘zo trezoleréz er madeù ag en né.

3 – Dré hé daouorn é ta holl grèseù hor Salvér ;
Ar hé goulenn é ra sekour de bep dobér.

4 – ‘Eidomp kalon Mari nend é ‘meit madeleh ;
Ne gavéemp geti nameit doustér ha peah.

5 – Rak-sé paourerion kæh, trema ur Vamm ker mat,
A-greiz hon truégeh, sawamp hon daoulagad.

6 – Kriamp é pep dañjér hag é pep tentasion :
Sekour, o Mamm ténér, sekour ‘eit péherion !

7 – Laramp dehi : Rouanéz, hwi ‘zo hon espérañs ;
Geneoh é-kreiz er gloéz éma hor honfortañs.

8 – Laramp dehi digor, arlerh hor perhinded,
D’hon énéan paour en nor a baléz en Drinded.