Paroles de Pastre dei mountagno

1 - Pastre dei mountagno,
La Divinita
A pres pèr coumpagno
Vosto umanita.
Soun dins la persouno
D’un pichot Garçoun
Que soun Paire douno
Pèr vosto rançoun.

2 - La troupo fidèlo
A pres gran pleisi
D’ausi la nouvello
Que l’Ange li a di.
An peno de crèire
Qu’acò sié verai ;
Volon l’ana vèire
Aqui ounte jai.

3 - Lou pu vièi dei pastre
Es lou pu savènt.
Counsulto leis astre
Se fara bèu tèms :
Dis qu’en luno pleno
Fai toujour tèms dre,
E quand l’auro meno,
Dis que fai bèn fre.

4 - Guihaume s’abiho,
Vestis soun jargau
E dis à sa fiho :
« Restas à l’oustau,
Debanas la sedo,
Gardas lou troupèu,
Mousès vòstei fedo,
Largas leis agnèu. »

5 - Leis àutrei pastouro,
Deman de matin
Viroun lei sèt ouro,
Saran pèr camin.
Crese que sei mouflo
Li faran pas mau,
Car lou vènt que souflo
N’es pas gaire caud.