Da feiz hon tadoù kozh

(Refrain) Da feiz hon tadoů kozh, ni paotred Breizh-Izel, ni zalc’ho mat atav
‘Vit feiz hon tadoů kozh, hag en-dro d’he banniel, ni holl en em stardo
Feiz karet hon tadoů, morse ni n’ho nac’ho, kentoc’h ni a varvo
Kentoc’h ni a varvo, kentoc’h ni a varvo

1 – D’ar c’houadur bihan, e kichenig e gavell
E lakait ur vamm vat, en deiz evel en noz
Er boan hag en anken, hi a daol buan ur sell
War groaz santel Jezuz, he sońj er baradoz

2 – D’ar paotr, d’ar plac’h yaouank, c’hwi ziskouez hent ar furnez
C’hwi lavar : “It gantań, hep krenań dirak den
Bezit, tud yaouank Breizh, bezit e-pad ho puhez,
Atav gwir gristenien, treitourien birviken !”

3 – D’an den kozh, gwenn e benn, e korn an tan azezet
O skuilh daeloů a geuz war e amzer gentań
War-lerc’h kalz a boanioů, c’hwi lavar, Salver karet,
Er baradoz e vo eürusted evitań

4 – D’an den diwar ar maez, kenkoulz ha d’an den a vor
C’hwi a ro nerzh-kalon da stourm er boan atav
Gouzout a reont, en neńv e kavint holl dor zigor :
Ar vuhez vo bet tenn ; d’an drubuilh, kenavo !