Charlot l’bochu

(Refrain) Ch’est mi Charlot l’bochu,
Roubaix, Tourcoing , m’a vu, dins ches café-concerts,
In sifflot des grands verres.
In sifflot des grands verres

1 – À l’âge eud’6 ans, j’allos à l’école,
J’allos à l’école du père Anatole
Ha ! Mes bons amis, j’m’in rappellerai toudis,
J’quios dins m’marronnes chaque fos qu’jétos puni

2 – À l’âge eud’12 ans, j’faisos m’communion,
J’faisos m’communion à l’église St Jean
Ha ! Mes bons amis, j’m’in rappellerai toudis,
J’avos comme candelle eul’bouchon d’eune équelle

3 – À l’âge eud’15 ans, j’allos à’l’gymnasse,
J’allos à’l’gymnasse pou devenir un as
Ha ! Mes bons amis, j’m’in rappellerai toudis,
J’faisos l’grand soleil avec mes deux ortels

4 – À l’âge eud’16 ans, j’allos à l’usine,
J’allos à l’usine du bieau père Achille
Ha ! Mes bons amis, j’m’in rappellerai toudis,
J’filos toutes les files, au lieu d’filer min fil

5 – À l’âge eud’18 ans, j’ai passé l’conseil,
J’ai passé l’conseil pour la révision
Ha ! Mes bons amis, j’m’in rappellerai toudis,
Z’étotent stomaqués eud’vire min père Louis

6 – À l’âge eud’19 ans, j’ai perdu m’quinzaine,
J’ai perdu m’quinzaine dins les cabarets
Ha ! Mes bons amis, j’m’in rappellerai toudis,
J’pissot dins m’marronnes tellemint qu’j’avos d’plaijis

7 – À l’âge eud’20 ans, j’allos à la guerre,
J’allos à la guerre, pour tuer l’désert
Ha ! Mes bons amis, j’m’in rappellerai toudis,
J’avos comme fusil un manche eud’parapluie

8 – À l’âge eud’30 ans, j’avos un infant,
J’avos un infant, gros comme un cochon
Ha ! Mes bons amis, j’m’in rappellerai toudis,
Eum’mère elle me dijot qu’i’étot plus bête que mi